Det er fredag, straks helg og kanskje du har lyst å lage noko ekstra godt til helgefrukosten/lunsjen? Då har eg eit forslag, og det er desse nydelige pannekakene her:

Nokon av dåkke har kanskje fått med seg at eg har vert litt i media denne veka med fokus på matredding, utgåtte matvarer og det å stole på sansane sine før ein kaster mat. Det starta med radio, deretter NRK Vestlandsrevyen, fortsatte med dagsrevyen, nettsaker og overskrifter på fleire nyhetssider. Eg var absolutt ikkje forberedt på at dette skulle bli en så stor greie, men dette er åpenbart en sak som engasjerer. Matsvinnet er enormt stort hos oss forbrukere, og ikkje minst hos dagligvarekjeden – og det kan vi alle ta oss i å gjere noko med! Her kan du lese saken som blei publisert på NRK igår🙂

Uansett, dette skal eg heller skrive litt meir om i neste veke. For idag har eg lyst til å dele oppskrift på desse bananpannekakene som eg lagde på nyhetene, og i den lille filmsnutten som er i artikkelen. For dei har eg allerede fått mange spørsmål om – både fra nye og gamle følgere! Har du eit par overmodne bananer i fruktkorga, lag desse her du også då vell 🙂

Her bruker eg altså to overmodne bananer, og pannekakene blir akkurat passe søte. På denne måten trenger du ikkje å tilsette noko ekstra sukker eller søtning. Eg anbefaler å bruke bananer som er brun-flekkete eller mørkare for best resultat. Dei må ikkje vere like brune som desse ↓ men eg synes pannekakene blir best når bananene er såpass brune! Og dei er LIKE fine inni 🙂

Eg bruker også litt kesam i oppskrifta, og kesamen nøytraliserer banansmaken, så eg synes ikkje pannekakene smaker banan i det heile tatt. Berre så dåkke veit det 🙂 Men, du kan bytte ut kesam med en ekstra banan for å få pannekakene litt ekstra søte.

Pannekakene er uten tilsatt sukker og kan fint lagast uten melk og gluten. For å få pannekakene melkefri bruker du f.eks kokosyoghurt eller en ekstra banan. For å få pannekakene glutenfri bruker du glutenfritt havremjøl og valgfritt mjøl. Hugs at du kan lage havremjøl sjølv ved å blende havregryn 🙂

Ingredienser, ca 15 stk (+/- alt etter størrelse)
2 overmodne bananer
100 g kesam/rømme/yoghurt (eller en ekstra banan)
3 store egg
150 g havremjøl (du kan fint lage sjølv ved å finblende havregryn)
50 g valgfritt mjøl (eller meir havremjøl)
1 toppa ts bakepulver
kanel og kardemomme

Framgangsmåte
Mos banan og egg klumpfritt med stavmikser. Rør inn resten av ingrediensane og la røra svelle i minst 5-10 minutt. Røra skal vere fyldig, det er det som gir fluffy pannekaker – juster eventuelt konsistensen om det er nødvendig.

Steik så gylne pannekaker på litt over middels varme – bruk steikefett om nødvendig. Server pannekakene nystekte, lune eller kalde med det pålegget du ønsker.

Pannekakene er sunne, grove, næringsrike og passer like godt til frukost og lunsj som sunn snacks♥ Bananpannekaker er også supert som turmat for både store og små!

Og kva passer som pålegg?
→ Brunost og syltetøy
→ Cottage cheese og syltetøy
→ Kesam/rømme, bær og sukrinsirup gold
→ Peanøttsmør eller anna nøttesmør, gjerne i kombinasjon med bær eller bananbiter
→ Og det meste anna!

Kanskje desse frister å lage i helga? Hugs at eg blir veldig glad for tilbakemelding når dåkke prøver oppskriftene mine♥

Følg meg gjerne på facebook-sida mi HER og på instagram under @lindastuhaug 🙂 Der deler eg fleire oppskrifter, tips, triks og glimt av min kvardag!

GOD HELG ALLE SAMMEN 😀