Black Magic sjokoladekake – det ligger rett og slett i overskrifta at dette er ei magisk sjokoladekake!

For magisk, det er den faktisk. Ei mektig, men nydelig konfektkake. Kanskje den typen som passer best for vokse ganer, men barn vil også kunne like den. Denne kaka fekk vertfall bein å gå på hos både eldre og yngre når den blei servert tidligare i vår 🙂

Det er vår og ikkje minst så går vi mot mai måned, som blir sett på som den store kakemåneden. Eg har vertfall fått erfare år etter år at mai er den måneden der kakeoppskriftene mine blir aller mest brukt, både til helg, fest og feiring. Ikkje berre er det 17.mai, det er også tid for konfirmasjoner, bryllup og større selskaper.

Nokon har diabetes, andre lever lavkarbo. Nokon trivest best heilt uten sukker, andre vil ha litt av begge deler. Arkivet har veldig, veldig mange kakeoppskrifter fra før, og idag tenkte eg å dele ein ny. Denne konfektkaka passer gjerne best til nettopp helg, fest og feiring, og er ei kaka som folk neppe vil tru er sukkerfri. For sjølv om den er sukkerfri, så er det sjølvsagt ei kake som alle kan forsyne seg av, sukkerentusiaster eller ei 🙂

Ingrediensar
250 g smør
250 g sukkerfri, mørk sjokolade
1 dl sterk kaffe
4 egg
60 g sukrin gold + 60 g sukrinmelis*
1 ts ekte vaniljepulver*

Slik gjer du:
1. Smelt saman smør, sjokolade, kaffi og vaniljepulver på svak varme til en jevn blanding. Trekk kjelen til side.

2. Pisk egg, sukrin gold og sukrinmelis med miksmaster til en luftig eggedosis, ca. 10-15 minutt.

3. Rør eggedosisen sammen med sjokoladeblandinga.

4. Hell røra i en rund form på ca. 22 cm*. Ha bakepapir i bunn og smør kantane godt.

5. Steik kaka på 175 grader, over-undervarme i 45-50 minutt. Følg med så overflata ikkje blir brent.

6. Avkjøl kaka i formen. La den gjerne stå natta over i kjøleskapet. Skjær rundt kanten med en skarp kniv for å løsne kaka. Server kaka som den er, gjerne med eit dryss sukrinmelis og litt friske bær.

Oppbevar kaka i kjøleskapet.

Tips og alternativer*
→ Sukrin gold og sukrinmelis kan byttast med anna søtning tilsvarande 120 g sukker. Du kan også bruke 120 g kun sukrin gold eller sukrinmelis. Eg liker best å kombinere to ulike typer for best resultat.

→ Ekte vaniljepulver kan sløyfast, eventuelt byttast med frø fra 1-2 vaniljestenger. Du kan også bruke vaniljesukker.

→ Har du ikkje rundt form på 22 cm? Du kan bruke 24 eller 26 cm også, men hugs å redusere ned steiketida.

Som nevnt falt denne kaka i smak hos både eldre og yngre når den blei servert, og det var ingen som ville tru meg når eg sa den var sukkerfri… Den smelta i munnen og var rett og slett knallgod – og tilbakemeldingane var mange tomler opp 🙂

Hugs at eg blir kjempeglad for tilbakemeldinger på oppskrifter! Enten det er her i kommentarfeltet, på Facebook-sida mi  HER eller instagram. Tag meg gjerne på instagram med både @lindastuhaug og #lindastuhaug, slik at eg både får varsel og finner igjen oppskriftene 🙂