Åh, desse bønnebollane her er SÅ gode♥

Eg lagde denne oppskrifta for eit par år sidan, og lagde bønnebollane på nytt i forrige veke. Det minte meg på at det var verdt å dra fram denne oppskrifta på nytt, for den kan virkelig anbefalast 🙂 Superenkle, smakfulle bønneboller med quinoa & valnøtter, som er veganske og passer til absolutt alt (les tips litt lengre nede):

Du trenger, 30-35 stk
1 dl quinoa (ukokt)
2 kartonger svarte bønner eller kidneybønner
2 fedd kvitløk, pressa
3-4 ss havremjøl eller anna mjøl
1/2 ts salt + 1/2 ts pepper
1 ts paprikakrydder + 1 ts grovkverna chili
100 g hakka valnøtter eller andre nøtter
olje eller smør til steiking

Slik gjer du:
1. Skyll quinoa godt under rennande vatn. Kok opp 2 dl vatn og la quinoaen småkoke under lokk i 15 minutt.

2. Skyll bønnene i eit dørslag. 2 kartonger tilsvarer ca. 340 g bønner (170g x2 drenert vekt).

3. Ha alle ingrediensane utenom valnøtter i en bolle og kjør glatt og kompakt med en stavmiksar. Vend inn hakka valnøtter til slutt.

4. Form til litt flate boller og steik på middels varme ca. 10 minutt på kvar side, til bollane er lett sprø og godt gyllen. Server varme eller kalde med det tilbehøret du ønsker.

Enkle, eller kva? Så gjenstår det å servere bønnebollane, enten varme eller kalde – dei er like gode uansett 🙂

→ Server i wraps slik som eg har gjort – med litt ekstra grønnsaker og guacamole
→ Server med pasta og tomatsaus
→ Server i pitabrød eller lag ein stor, fargerik og smakfull salat
→ Server med potetmos eller potetbåter, dampa grønnsaker og deilig saus
→ Server med bakte rotgrønnsaker, søtpotetmos eller søtpotetfries
→ Ha som ein rett på koldtbord eller tapasbord

Eg kunne fortsatt med serveringsforslag, men de skjønner greia – desse passer til alt!

Eg er blitt meir og meir glad i vegetarmat og veganske alternativer, og har minst (!) en vegetardag i veka. Noko eg skal bli flinkare til å lage og dele oppskrifter på, er slike typiske vegetarboller eller vegetarburgere. Det er så mange måter å lage det på, og det er veldig godt så lenge ein får det skikkelig til 🙂

Håper oppskrifta ser fristande ut♥ Prøv den gjerne, og gi meg en tilbakemelding! Det er alltid stas!