Hurra for mandag! Vegetarmandag som alltid her på bloggen 🙂

For nokon år tilbake hadde eg eg periode der eg hadde skikkelig dilla på vegetarlasagne. Eg lagde vegetarlasagne i alle mulige slags varianter; med kun grønnsaker, med linser, med bønner, med quinoa, med ulike typer oster, krydder og smakstilsetninger. Eg synes både då og no at vegetarlasagne er skikkelig godt, og i helga så lagde eg en variant med bønner & fetaost som eg har lyst å dele med dåkke!

Denne blei skikkelig smakfull og god, med masse deilige grønnsaker, smakfull bønne-tomatsaus, fetaost mellom laga, lomper (som alltid) og sjølvsagt ost på toppen. En virkelig god vegetarlasagne som eg varmt kan anbefale, uansett om du er vegetarianer eller kjøtt-elsker 🙂

Eg hadde ikkje handla og ingrediensane blei tilfeldig til av det eg hadde i kjøleskap, kjøkkenskap og frysar. Ingen grunn til å følge oppskrifta slavisk, bruk den som inspirasjon og lag gjerne din egen vri ut fra kva du har heime!

Til 3-4 personer trenger du:
♦ 1 kartong (230 g) kidneybønner, skylte i eit dørslag
♦ 1 kartong (230 g) svarte bønner, skylte i eit dørslag
♦ 1 kartong (400 g) hakka tomater
♦ 2 ss tomatpure
♦ 6-8 lomper
♦ 1 blokk (250 g) fetaost, smuldra opp med gaffel
♦ 1 paprika, grovhakka
♦ evt. andre grønnsaker du har (eg hadde litt brokkoli som eg finhakka)
♦ 1 stor eller 2 små løk, grovhakka
♦ 1 kinesisk kvitløk og 1 chili, finhakka
♦ gjerne litt ferske urter, finhakka
♦ valgfritt krydder (eg brukte salt, pepper, paprikakrydder og pizzakrydder)
♦ raspa ost

Slik gjer du:
1. Steik løk, kvitløk og chili i litt smør til løken er blank.

2. Tilsett bønner, hakka tomater, tomatpure, paprika og evt. andre grønnsaker du vil bruke. Tilsett og 1 dl vatn.

3. Kok opp og la det småkoke under omrøring i 10 minutt. Juster eventuelt med ekstra vatn underveis om nødvendig, men det skal vere ein fyldig tomatsaus.

4. Mos blandinga lett med ein potetstapper. Det er ikkje nødvendig, men eg synes det blir ekstra godt då 🙂 Smak til med krydder.

5. Deretter er det berre å legge lasagnen lagvis i en form. Start med 1/4 av bønneblandinga, etterfulgt av lomper og 1/3 av fetaosten. Legg dette i 3 lag, avslutt med bønneblanding og til slutt raspa ost på toppen.

6. Steik på 200 grader til osten er smelta og gyllen.

Server vegetarlasagnen på samme måte som du serverer andre typer lasagne 🙂 Her i hus er det alltid ein frisk salat, kesam eller en god dressing og litt fetaost-terninger visst vi har.

Håper fleire vil prøve seg på denne! No blir det nok vegetarlasagne framfor min tradisjonelle lompelasagne framover, for dette gav meirsmak hos sambuaren min også 🙂 Lasagnen passer like godt til kvardag som helg, og restane smaker faktisk bedre dagen etterpå♥

Hugs at eg blir veldig glad for tilbakemeldinger om de prøver ut oppskriftene mine, enten det er i kommentarfeltet på bloggen, på instagram under @lindastuhaug eller facebook-sida mi HER 🙂