Heisann!

I helga lagde ei ei kaka som både har vore veldig, veldig etterspurt her på bloggen, men også veldig, veldig etterspurt i heimen. Eg har ein storebror som fekk banoffee pai servert på ein restaurant for mange år sidan, og sidan det har denne kaka stått høgt på lista mi. Han har nemlig spurt etter den mange ganger!

Så, no har eg endelig fått prøve meg på banoffee pai! Dette er kanskje ei ukjent kake for mange (det var det for meg også), men den er superenkel å lage, relativt rask og skikkelig god.

Kaka består av
→ Paibunn
→ Karamell
→ Banan
→ Krem

Eg har laga min egen vri på oppskrifta, med en litt utradisjonell paibunn og ekstra sjokolade, men dette gjorde kaka virkelig god 🙂 Kaka er uten tilsatt sukker og gluten (hugs glutenfri havregryn);

Lag 1, paibunn
150 g salte peanøtter
100 g mandler
50 g havregryn
50 g smør
65 g Fibersirup Gold
0,5 ts ekte vaniljepulver (kan sløyfast)

Lag 2, karamell
4 dl kremfløyte
130 g Fibersirup Gold
2 ss smør
0,5 ts ekte vaniljepulver (kan sløyfast)

Lag 3, banan & sjokolade
4 bananer, i skiver
50 g sukkerfri sjokolade, grovhakka (kan sløyfast)

Lag 4, krem
2-3 dl kremfløyte
1 ss søtning (eg brukte sukrin+)

Eg brukte rund kakeform på 22 cm i diameter. Hugs bakepapir i bunn! Du kan også bruke paiform i samme størrelse, men eg synes det var litt meir lettvint med kakeform.

Slik gjer du:
1. Start med å sette på kok karamellen; ha ingrediensane i ein kjele. Kok opp under omrøring og la karamellsausen småkoke i ca. 20 minutt. Rør av og til. Medan karamellen koker lager du paibunnen.

2. Paibunn; mal peanøtter, mandler og havregryn i ein blendar eller foodprosessor. Det trenger ikkje vere heilt finmalt. Smelt smør og Fibersirup Gold, og rør alt godt saman. Trykk massen ned i den ildfaste forma/paiforma. Sett i frysaren medan du venter på karamellen.

3. Når karamellen er ferdigkokt; la karamellsausen avkjøle seg i ca. 10 minutt, hell deretter karamellensausen over paibunnen. Sett til avkjøling, minst 1 time i frysaren eller nokre timer/natta over i kjøleskap.

4. Banan & sjokolade; Skjær rundt kantane i den ildfaste forma. Løft kaka over på eit kakefat. Fordel masse bananskiver over karamellen og grovhakka sjokolade (spar litt til toppen) over bananskivene.

5. Krem; Visp krem av fløyta, smak til med søtning og fordel på toppen av kaka.

Eg anbefaler å vente med banan, sjokolade og kremen til rett før servering, men det går fint å klargjere kaka i forvegen også. Oppbevar i kjøleskapet og server med eit par kopper kaffi♥

Ei sukkerfri kake som passer perfekt til helg, fest og feiring.

Denne fikk virkelig bein å gå på i heimen, vi var 6 stykker og alle forsynte seg fleire ganger. Til slutt var det berre eit bittelite kakestykke igjen. Det er eit godt tegn!

Min første tanke var; for ei merkelig kake. Og den er jo litt spesiell, men makan så god den var!
Det er ikkje første og siste gang eg lager denne, for å sei det sånn.

Håper fleire har lyst å prøve seg! Kanskje dette er ein kakeide til 17.mai feiringa? 😀

Hugs at eg blir kjempeglad for tilbakemeldinger på oppskrifter! Enten det er her i kommentarfeltet, på Facebook-sida mi  HER eller instagram. Tag meg gjerne på instagram med både @lindastuhaug og #lindastuhaug, slik at eg både får varsel og finner igjen oppskriftene 🙂