Heisann!

I morgon er det helg igjen, og det betyr pizza på menyen for mange. I mange år har eg laga denne sunnere pizzaen her, som består av ei proteinrik havrebunn. Den er skikkelig god, og det aller beste: den er både rask og enkel å lage! Ingen elting, ingen heving, her er det berre å røre sammen ingrediensane og forsteike :)

Eg har her valgt å lage en type kvit pizza med pesto, skinke og spekeskinke som fyll - men fyllet må du sjølvsagt variere etter det du ønsker!

Pizzabunn
• 300 g havremjøl
• 150 g kesam
• 2 egg
• 2 ts bakepulver
• 1⁄2 ts salt
• 2 dl vatn

Pizzafyll
• 2 ss kremost naturell
• 2 ss pesto
• 200 g skinke, i terningar
• 80 g spekeskinke
• frisk basilikum
• paprika
• cherrytomatar
• raspa ost

Slik gjer du:
1. Sett ovnen på 200 grader over- og undervarme. Rør saman ingrediensane til pizzabunnen til ein klissete deig og la den svelle i 5 minutt.

2. Bre pizzabunnen over ei langpanne med bakepapir med ein våt slikkepott, jamt og tynt. Forsteik pizzabunnen midt i ovnen i ca. 15 minutt, eller til overflata er gyllen og pizzabunnen begynner å bli sprø. Forbered fyllet i mellomtida.

3. Smør pizzabunnen med kremost og pesto. Fordel over skinke, spekeskinke, frisk basilikum, paprika og cherrytomatar delt i to. Topp med riven ost.

4. Steik midt i ovnen i ca. 15 minutt, eller til osten er smelta og gyllen. La pizzaen kvile nokre minutt før servering.

Server gjerne med en frisk salat og nyt♥︎