Det er fredag og snart helg – det er en følelse som aldri slår feil!

Dagens oppskrift passer kanskje best som søndagsmiddag i heimen, men då er jo det egentlig fin timing å dele den idag! Oppskrifter med hjort/hjortekjøttdeig har vore etterspurt i høst, så idag er det hjortekjøttboller i brun saus på menyen. Virkelig godt, og en middag som vertfall eg får vann i munn av 😉

Du kan sjølvsagt lage kjøttkaker istedenfor kjøttboller av oppskrifta, då lager du dei rett og slett berre større. Du kan også bruke anna type viltkjøtt dersom du har det tilgjengelig:

Middag for 4-5 personer, alt ettersom!

Kjøttboller av hjort
800 g hjortekjøttdeig
2 egg
2 ss potetmjøl
1 ts salt + 1 ts pepper
0,5- 1 ts muskat (kan sløyfast)
smør til steiking

PS! Har du lyst på en litt meir spenstig variant kan eg anbefale å tilsette 1 finhakka løk og 2-3 fedd finhakka kvitløk i kjøttfarsen.

Slik gjer du:
Kna alle ingrediensane godt saman. Steik gjerne ei lita prøvekake for å kjenne etter smak og konsistens; kanskje du treng litt meir salt, pepper, muskat eller potetmjøl.

Form deretter runde kjøttboller av deiga med ei våt spiseskei og handflata di. Steik kjøttbollane på medium-høg varme i smør til dei er har fått steikeskorpe på alle sider. Legg kjøttbollane på en tallerken etterkvart.

Når alle kjøttbollane er stekt tar du dei tilbake i panna. Hell over vatn til det akkurat dekker kjøttbollane. Kok opp og la kjøttbollane trekke i væska til dei er gjennomstekte/kokte, dette tar 5-15 minutt, alt etter kor godt steikte dei er på forhånd.

Brun saus
2 ss smør
3 ss speltmjøl eller kveitemjøl
5-6 dl væske (du bruker væska som kjøttbollane har trekt i, eller evt. kjøttkraft/viltkraft/buljong/fond)
2-3 skiver brunost (kan sløyfast, men er utrulig godt!)
salt, pepper, sukkerkulør

Slik gjer du:
Smelt smøret på middels varme og tilsett mjøl. Rør heile tida, dette skal brunast til blandinga får en nøttebrun farge. Spe deretter med litt og litt væske fra kjøttbollane, kok opp og la sausen småkoke i 5-10 minutt. Juster eventuelt med meir væske om nødvendig. Smak til med brunost, salt, pepper og eit par dråper sukkerkulør for fargen sin del. Er sausen veldig tam på smak kan du gjerne bruke litt soyasaus eller buljongpulver/buljongterning.

Legg kjøttbollane i sausen, la dei bli gjennomvarme og server med tilbehør!

Her valgte vi klassisk tilbehør i form av kokte poteter, dampa brokkoli og tyttebærsyltetøy. Heilt perfekt!

Hjortekjøttbollane kan du gjerne lage opp og fryse ned i porsjoner. Då er det berre å lage sausen og tilbehøret, så er middagen klar på bordet. Ellers kan du sjølvsagt variere måten du serverer hjortekjøttbollane på, kanskje du foretrekker fløytesaus eller krema soppsaus? Kanskje du vil bruke hjortekjøttbollane i ei viltgryte, eller som en rett på tapasbordet?

Vi har frysaren full av hjortekjøttdeig fra sjølvskutt hjort (ikkje eg altså, men kjæresten min og svigerfamilien min jakter) – så her blir det både hjortekjøttkaker, hjortekjøttboller, hjortegryte, hjortekarbonader og andre hjortemiddager trutt og ofte! Eg synes det er knallgodt, og føler meg veldig heldig som har hjortekjøtt så tilgjengelig 🙂

Då gjenstår det å ønske alle en fin fredag og god helg!