Hallo du nydelige PIZZAVAFLER!

Altså, desse er så gode! Ikkje minst er dei virkelig enkle å lage, du kan variere fyllet etter kva du ønsker og dei smaker like godt kalde som varme. Egner seg derfor perfekt til matpakken eller som turmat - desse står seg fleire dager i kjøleskapet.

Oppskrifta har fult meg ei stund, men no har eg justert dei litt og laga dei 100% grove med kun havremel (bruk glutenfritt ved behov). Enda meir næringsrike, men like gode! I tillegg har eg denne gangen laga dei med to ulike fyll;

→ Ost, skinke og vårløk
→ Ost, fetaost og vårløk

Vaffelrøre (gir 10-12 plater):
• 3,5 dl melk
• 100 g (2 toppa ss) rømme/kesam
• 3 egg
• 50 g smelta smør
• 1 ts bakepulver
• 1/2 ts salt
• 250 g havremel

Forslag til fyll for heile røra:
• 200-300 g raspa ost
• 350 g skinke ELLER 1 glass/blokk fetaost
• 1 bunt vårløk

Slik gjer du:
1. Lag røra. Rør sammen det våte før du visper inn det tørre. La røra svelle i minst 10 minutter, og klargjer fyller i mellomtida. Bruk litt ekstra væske om røra er veldig tjukk.
2. Rasp/kutt ost, skinke, vårløk. Bruker du fetaost i blokk kan du smuldre den i ei skål. Anbefaler også å smuldre opp terningane, ellers sette det seg fort fast i jernet.
3. Hell røra på vaffeljernet (hugs å smøre om du må det!), og topp generøst med raspa ost først, deretter skinke/fetaost og til slutt vårløken. Press vaffeljernet ned i starten og steik til vaflane er gylne. Legg over på ei rist.

Så er det berre å nyte pizzavaflane akkurat som dei er, noko ekstra pålegg eller fyll er Ikkje nødvendig. Ha gjerne litt grønnsaker som tilbehør!