God fredag!

Igår delte eg eit deilig turmat-tips, og idag blir det tursnacks! Eller eventuelt berre snacks, må jo ikkje ha med desse på tur… 🙂

Denne oppskrifta her er ein kombinasjon av dei typiske daddelkulene som eg har laga i årevis (og har mange forskjellige oppskrifter av) og dei ulike typene med energikuler som eg har delt ulike oppskrifter på det siste året. Den største forskjellen mellom desse er at daddelkulene inneholder dadler og ulike typer heile nøtter, mens energikulene er uten dadler, men med flytande søtning og ulike typer nøttesmør. I desse har eg og brukt meir havregryn enn eg har brukt i daddelkulene.

Dagens oppskrift er altså med dadler, peanøttsmør og havregryn. Med kun desse tre ingrediensane kan du trylle fram desse deilige snack-kulene, heilt uten helsekostprodukt!