Søtpotet polarbrød♥

Naturligvis med søtpotet som ein av hovedingrediensane! Er du glad i søtpotet kjem du til å elske desse… Dei passer like godt til frukost som matpakken, turmat, tilbehør til middagen eller kveldsmaten. Polarbrøda er laga med havremjøl og er 100% grove, i tillegg er dei superenkle å lage, skikkelig saftige og gode. Nam!

Søtpotet polarbrøda held seg ferske i fleire dager, og kan fint frysast. Lag gjerne dobbel porsjon når du først er i gang 🙂

Oppskrifta er både glutenfri (bruk glutenfritt havremjøl), melkefri og uten egg. Veldig allergivennlige, med andre ord! Og tåler du forresten ikkje havre, så kan du bruke anna nøytral tørrvare istedenfor;

Du treng, ca. 8 stk
1 søtpotet på ca. 400 g
150 g havremjøl
2 ts bakepulver
1/2 ts salt

Slik gjer du:
1. Sett ovnen på 180 grader over- og undervarme. Del søtpoteta i 3–4 bitar og bak i mikrobølgeovnen i 5–10 minutt, eller til den er mør. Søtpoteta kan også bakast i ovnen, men det tar lengre tid.

2. Fjern skalet på søtpoteta og lag søtpotetmos med stavmikser. Tilsett resten av ingrediensane og vend til ei jevn deig.

3. Del deiga i 8 emne og trykk dei flate/bruk ei kjevle. Kanskje du treng litt ekstra mjøl til utbaking.

4. Legg polarbrøda på eit steikebrett med bakepapir, prikk dei og steik midt i ovnen i 10-15 minutt, eller til dei er gjennomstekt.

5. Avkjøl på rist og oppbevar i romtemperatur.

Et og bruk søtpotet polarbrød på akkurat den måten du vanligvis bruker polarbrød! Dei passer med både salt og søtt pålegg, men er også gode uten pålegg. Dei kan like gjerne brukast som pizzabunn, hamburgerbrød, som tilbehør til suppe, salat, gryter og lignande som til frukost med for eksempel egg på. Søtpotet og egg er en utrulig god (!) kombinasjon, så kokt egg anbefaler eg virkelig å toppe polarbrøda med 🙂

Oppskrift på søtpotet polarbrød delte eg for første gang i 2014 HER, og eg veit dette er ein oppskrift som mange har prøvd allerede. Oppskrifta var også med i boka mi OPPTUR MED SUNN MAT, og det er fra matfoto til boka eg har henta bildene. Det betyr at bildene i innlegget er tatt av superfotograft Jon Marius Nilsson 🙂

(Egenreklame) Og du – skulle du hatt lyst på boka mi så kan du bestille den HER! Dette er boka for deg som vil ha inspirasjon til sunne, ­enkle og varierte oppskrifter til ­dagens måltid. Her finn du 80 spennande oppskrifter på både frukost, matpakker, middagar og sukker­frie alternativ til det søte.

I tillegg kan du bruke boka som eit verktøy for å komme i gang med kost­halds­endringar. Eg ­deler mine beste tips for eit sunnare matvalg, gir konkrete anbefalingar og motivasjonstriks som er enkle å følge. Perfekt for deg som treng ein dytt i riktig retning, eller som ­ønsker å halde på dei gode vanane 🙂