Heisann!

Heimelaga knekkebrød blir alltid tatt godt imot her på bloggen. Eg er veldig glad i det sjølv, og synes det er perfekt å ha liggande i en boks for en sunn og kjapp frukost, lunsj eller kveldsmat. Aller best synes eg heimelaga knekkebrød er med eit dryss av flaksalt på – det gir på en måte det lille ekstra – men dette kan ein sjølvsagt sløyfe for nøytrale knekkebrød.

Desse knekkebrøda med havre og valnøtter trur eg er eit av dei aller beste knekkebrøda eg har laga. Dei var så sprø, gode og fulle av smak – virkelig en ny favoritt hos meg. Oppskrifta har eg allerede laga eit par ganger, og den må eg sjølvsagt dele med dåkke også:

Sprø og supergode knekkebrød med havre og valnøtter, 2 brett
200 g havregryn (ca. 4 dl)
200 g havremjøl (ca. 4 dl)
150 g kutta valnøtter (ca. 2 dl)
100 g valgfri frø/kjerner (ca. 1 dl) – eg brukte sesamfrø og solsikkekjerner
1 ts salt
6 dl vatn
flaksalt til topping, kan sløyfast

Slik gjer du:
1. Sett ovnen på 160 grader varmluft. Bland saman ingrediensene i en bolle og la røra svelle i minst 10 minutter.

2. Kle to langpanner med bakepapir, fordel røra på to og smør jamnt og tynt utover med en slikkepott (tips: skyll slikkepotten underveis i varmt vatn, då blir det enklere å smøre). Strø over flaksalt og trykk lett ned i knekkebrøda

3. Sett inn i ovnen, eit brett oppe og eit brett nede. Etter 10-15 minutter tar du bretta ut av ovnen og skjærer passelige størrelser med en pizzaskjærer.

4. Sett tilbake i ovnen på samme måte. La knekkebrøda no steike 20-30 minutter, eller til dei begynner å bli godt gylne. La bretta bytte plass underveis.

Tips 1: for å sikre deg sprø knekkebrød: slå av ovnen, lat opp døra og slipp ut litt varme. La deretter knekkebrøda stå i ettervarmen i minst 1 time, gjerne natta over. Dette trikset skuffer aldri for å få sprø og supergode knekkebrød!

Tips 2: pass på at valnøttbitane ikkje er for store, då vil dei laga hol i knekkebrøda og den blir vanskelig å smøre utover. Eg kjørte valnøttene mine lett i en foodprosessor, men du kan fint hakkde dei for hand også.

Tips 3: havremjøl kan du fint lage sjølv ved å kjøre havregryn i en blendar eller foodprosessor. Bruk glutenfri havregryn og havremjøl for 100% glutenfri knekkebrød.

Etter knekkebrøda er avkjølt brekker du dei opp og oppbevarer i en knekkebrødboks/kakeboks. Dei står seg i månedsvis. Nyt med valfritt pålegg, eg synes faktisk at klassikaren ost & skinke med kremost i bunn og litt agurkskiver på toppen er noko av det beste pålegget på akkurat desse knekkebrøda.

Virkelig gode, og eg håper at fleire vil prøve seg! Det blir nok en tredje ladning her snart – desse ryker fort når eg først har blitt hekta 😉