Riktig god fredag!

Å lage heimelaga marsipan må vere noko av det enklaste snopet som finst. Marsipan er jo egentlig snoperier som passer heile året, men det er vell spesielt mot jul og påske at marsipanen er ekstra populær. No nærma vi oss påske, og ut fra statistikken så er det mange som er innom bloggen min for inspirasjon til sukkerfri marsipan – og det er jo stas!

Eg har fleire ulike oppskrifter på marsipan i arkivet fra før, men idag har eg to nye oppskrifter til dåkke. Dette er ikkje klassiske oppskrifter på sukkerfi marsipan, dei finnes det egentlig nok av – men eg har to nye oppskrifter til dåkke der du sjølv kan bestemme om du vil bruke helseprodukt eller ikkje 🙂

Førstnevnte oppskrift, sukkerfri marsipan med helseprodukt, er heilt ny oppskrift her på bloggen. Sistnevnte oppskrift, marsipan uten helsekostprodukt, er ikkje heilt ny. Denne er søta med ferske dadler som gir en utrulig god sødme og konsistens i marsipanen. Dette er ingen ny oppskrift, for den finner du tilbake i 2015 HER – og den er utrulig populær! Dadler er naturlig fruktsukker i og for dei med diabetes er nok førstnevne oppskrift den beste, men for dei som berre vil kutte ned på kvitt, raffinert sukker eller lage eit sunnare alternativ, så er denne oppskrifta med dadler heilt toppers 🙂

Marsipan med helsekostprodukt, ca. 12 biter
100 g mandler*
2-3 mandeldråper (kan sløyfast)
2 ss sukrinmelis (eller anna søtning)
30 g, 2 store ss fibersirup clear (eller den nye sukrinsirup gold. Då holder det med 1 ss sukrinmelis)
evt. sjokoladetrekk*

Slik gjer du:
Mal mandlane i en foodprosessor eller blendar. Tilsett mandeldråper, sukrinmelis, fibersirup og kna godt til du får en marsipandeig. Bruk nokre dråper vatn om nødvendig.

Trill til kuler og sett kjølig. Oppbevarast i kjøleskap – står seg i vekesvis!

*her kan du også bruke ferdigmalte mandler/mandelmjøl.

* om du ønsker å sjokoladetrekk (gjelder begge oppskrifter)
♦ eg har brukt Cavalier sin mørke, sukkerfri sjokolade som sjokoladetrekk. Du treng ca. 20 g til en oppskrift, alt etter om du vil dyppe heile marsipankula eller kun deler av den, slik eg har gjort. Smelt sjokoladen og dypp kulene, sett deretter kjølig til sjokoladen har stivna.

♦ cavalier sin sukkerfri sjokolade kjøpast på helsekostbutikk. Om du ønsker sjokoladetrekk på marsipanen uten helsekostprodukt, så er det fleire bedre alternativer på dagligvarebutikken, blant anna med 70% eller 86% kakao. Sjokoladetrekket er heilt valgfritt, og det er sjølve marsipanen som er oppskrifta uten helseprodukt her 😉

Marsipan uten helsekostprodukt, ca. 12 biter
100 g mandler
2-3 mandeldråper (kan sløyfast)
50 g ferske, saftige dadler (vekt uten stein)
evt. sjokoladetrekk*

Slik gjer du:
Ha ingrediensane i en kraftig blendar eller foodprosessor og køyr på full guffe i 1-2 minutt, til en jevn og smuldrette masse du kan forme med hendene. Trill til kuler og sett kjølig. Oppbevarast i kjøleskap – står seg i vekesvis!

Har du lyst på en ny vri på marsipanen, bytt gjerne mandler med andre typer nøtter som valnøtter, pistasjenøtter, cashewnøtter eller lignande 🙂 Du kan naturligvis også forme marsipanen som marsipanstenger eller kva du måtte ønske.

Vi nærma oss også påske, og vil du ha gul påskemarsipan kan du jo prøve med litt gul konditorfarge i oppskrifta 🙂

Eg fant ut det var like greit å dele begge oppskriftene, for eg veit at ikkje alle har eller vil bruke helsekostprodukt i dei søte oppskriftene sine. Eg håper vertfall at begge oppskriftene kan inspirere fleire der ute – litt sunnare/sukkerfri alternativ til godis innimellom er heilt greit for dei som vil eller må det 🙂