Hei godtfolk!

Det er fredag, det er helg, det er slutten eller starten på vinterferie for mange og ikkje minst: det er fastelaven på søndag! I den anledning vil eg dele oppskrifta mi på sukkerfri solskinnsboller med heimelaga vaniljekrem med dåkke igjen, visst noken har lyst til å bake i helga♥︎

Oppskrifta på solskinnsbollane er en grunnoppskrift på gjærdeig, så denne kan du såklart bruke til å lage fastelavensboller istedenfor🥰 Vaniljekrem høyrer jo med uansett om det er fastelavensboller eller solskinnsboller du vil lage!

Bolledeig, ca. 20 stk

• 100 g smør
• 4 dl melk
• 150 g kesam original eller rømme eller creme fraiche
• 1 pk tørrgjær
• 100 g sukrin+/finesse eller 200 g sukrin gold
• 2-3 ts kardemomme
• 150 g fiberfin (kan byttast med meir speltmjøl/kveitemjøl)
• 600–700 g sikta speltmjøl eller kveitemjøl

Fyll
• smør, romtemperert
• sukrin+/finesse eller sukrin gold
• kanel
• heimelaga, sukkerfri vaniljekrem, oppskrift under

Framgangsmåte:
1. Smelt smør, tilsett melk og la blandinga bli lunken. Visp inn tørrgjær, søtning, kardemomme og kesam. Bland godt.

2. Tilsett fiberfin etterfulgt av litt og litt speltmjøl til deigen blir blank, smidig og lett slepper bollen. Elt deigen med kjøkkenmaskin på lav hastighet i ca. 5 minutt om du bruker speltmjøl, litt lengre om du bruker kveitemjøl.

3. Hev deigen under eit kjøkkenhandkle på ein lun plass til dobbel størrelse, ca. 1–2 timer. I mellomtida kan du lage vaniljekremen.

4. Deretter kjevler du deiga til eit rektangel, har over smør, søtning og kanel. Rull sammen og skjær opp i biter. Legg på eit steikebrett med bakepapir og etterhev i 40-60 minutt.

5. Press ei grop i midten av bollane og fyll den med vaniljekrem. Deretter penslar du overflata med lettpiska egg. Steik midt i ovnen på 200 grader til ein gyllen farge, ca. 12–15 minutt. Avkjøl på rist.

Verdens beste og enklaste vaniljekrem
• 5 dl melk
• 3 eggeplommer
• 40 g sukrin+ / finesse
• 2 vaniljestenger
• 35 g maisenna

Framgangsmåte:
1. Ha melk i ein kjele med søtning. Del vaniljestengene på langs, skrap ut frøa og ha både dei og stengene i melkeblandinga. Kok opp på svak varme under omrøring, sett deretter til side i 10 minutt. Ta deretter vaniljestengene ut av melkeblandinga.

2. Rør eggeplommer og maisenna klumpfritt i ein bolle. Pisk inn ein tredel av den varme melkeblandinga i bollen, før du heller alt tilbake i kjelen.

3. Kok opp melkeblandinga på nytt på svak varme under omrøring. Trekk til side når den når kokepunktet, då vil den også tjukne. Hell over i ein bolle og avkjøl.

Vaniljekremen kan du såklart bruke til alle oppskrifter og desserter der du bruker vaniljekrem!

Håper bollane ser fristande ut😍 God helg alle sammen!