Hei!

Har du lyst å bake noken gode havrekjeks denne veka?😃 Desse blir tynne, sprø, litt søte og er perfekt med litt enkelt pålegg på! Min favoritt er uten tvil smør og brunost, men det er også godt med kvitost og kremost. Enkle å lage, nydelige på smak!

Du trenger, 25-30 stk
• 3 dl havregryn
• 1 dl valgfri melk
• 40 g smør, smelta
• 1 ts bakepulver
• 2 ss sukrin gold eller anna valfri søting
• 2 ss sikta speltmjøl, kveitemjøl eller glutenfritt mjøl
• ei klype salt

Tips! Har du lyst på litt ekstra smak på desse? Tilsett litt smak i deigen! Kanel, kardemomme og/eller vanilje­ pulver passar perfekt her.

Slik gjer du:
1. Sett ovnen på 175 grader (over- og undervarme). Bland havregryn med mjølk og smør og la det stå i 5-10 minutt. Bland så inn resten av ingrediensane til ein deig.
2. Bruk litt ekstra mjøl på kjøkkenbenken til utbaking. Kjevle deigen forsiktig ut til den er 2–3 mm tjukk, og stikk eller skjer ut passelege former. Eg bruker eit glas til å forme kjeksa.
3. Dekk eit steikebrett med bakepapir. Flytt kjeksa over på brettet med steikespade eller ostehøvel. Steik midt i omnen i cirka 15 minutt, eller til kjeksa er godt gylne.
4. Havrekjeksa skal no vere sprø, men eit tips dersom du vil vere heilt sikker: Lat opp ovnsdøra for å sleppe ut ein del varme, og la deretter kjeksa stå i ettervarmen i omnen i minst 30 minutt, gjerne lenger. Avkjøl på rist.

Oppbevar kjeksa i ein kakeboks i kjøkkenskapet. Dei står seg fint eit par månader.

Denne oppskrifta har fulgt meg i årevis og desse bildene er henta fra kokeboka mi " Sunnare søtsaker"❤️

Dette er boka for deg som ønsker å bake sunnare/sukkerfritt, med over 80 oppskrifter på alt du kan tenke deg i den søte sjangeren: kaker, desserter, snacks, bakst m.m, i tillegg til at eg deler alle mine beste tips og triks for å lykkast med sukkerfri baking😊

Boka kan du kjøpe her!

Ha ei god veke!