Hei!

Desse pizzabrøda lagde eg igår, og dei blei SÅ gode! Grove, skikkelig saftige og knallgode pizzabrød med MASSE fyll: pesto, spekeskinke og ost♥ Det er mitt favorittfyll, men vil du bruke anna type fyll, så må du gjerne gjere det 🙂

Deiga er superenkel å jobbe med og oppskrifta gir vellykka resultat gang på gang!

Du trenger, ca 25 stk
100 g smør
6 dl melk
1 pk tørrgjær
1 ts salt
1 ts sukker/honning
400 g havremjøl (eller anna grovt mjøl)
450-500 g sikta speltmjøl/kveitemjøl
–
500 g spekeskinke
500 g raspa ost
200 g pesto

Slik gjer du:
1. Smelt smør, tilsett melk og varm blandinga til den er ca. 37 °C. Visp inn gjær, salt og sukker/honning.

2. Ha blandinga over i en eltemaskin og tilsett havremjøl, deretter litt og litt speltmjøl/kveitemjøl til en glatt og fin deig. Må du bruke litt meir mjøl, så gjer du det. La deiga elte i 5-10 minutt. Sett deiga til heving og hev til dobbel størrelse, ca. 1 time.

3. Del deiga i to og kjevle ut til to rektangel (lettare å håndtere enn ein kjempestor). Smør på pesto, ha over spekeskinke, ost og brett sammen. Skjær opp i biter, legg på to steikebrett med bakepapir og etterhev i ca 1 time.

4. Pensle overflata med egg/vatn og ha over valmuefrø. Steik midt i ovnen på 200 grader til dei er gylne, 10-15 minutt. Avkjøl på rist.

Nyt til lunsj, i matpakken, som turmat, til middag eller luksus kveldsmat! Pizzahorna er fine å fryse og smaker nystekt etter ein liten runde i ovnen!