God torsdag!

Eg har komt meg heim til påske – 10 dager i Oslo holdt i massevis for min del. Heimeeksamen er over, men eg jobber fortsatt med bachelor-prosjektskisse-innlevering som skal inn imorgon, så påskeferien er ikkje i gang heilt enda 😉 Uansett, idag tenkte eg å dele oppskrift på det eg meiner er verdens beste nøttesmør – mandelsmør!

Mandelsmør er min soleklare når det kjem til nøttesmør. Peanøttsmør, cashewnøttsmør, hasselnøtt-sjokoladepålegg og alle andre typer nøttesmør er gode dei også, men det er alltid mandelsmøret eg lager om og om igjen.

Og som alle andre nøttesmør så er det virkelig enkelt å lage sjølv. Kor lang tid det tar varierer ut fra kor god blendar/foodprosessor du bruker.

Det som også er digg med å lage det sjølv, er at man sjølv kan smakstilsette etter kva man liker, og ikkje minst kor søtt man vil ha det. Eg bruker 1-2 ss sukrin gold fordi eg synes det er godt, men smak gjerne uten først – det er ikkje sikkert du vil ha det søtare enn nøttene i seg sjølv, og det kan hende du vil ha det enda søtare. Her gjelder det å smake seg fram!

Mandelsmør, 1 glass
300 g mandler
1 liten ts maldonsalt
1 ts kanel
1 ts ekte vaniljepulver (kan sløyfast)
1-2 ss sukrin gold (eller anna valgfri, pulverisert søtning. Unngå honning etc)

Slik gjer du:
Rist mandlane på 180 grader til dei er blitt gylne, ca. 10 minutter. Ha mandlane over i en kraftig blendar/foodprosessor.

Kjør på full guffe. Mandlane blir førtst malt, deretter vil dei begynne å slippe fett og først få en tjukk konsistens, deretter bli meir og meir flytande. Bruk en slikkepott inniellom for å ta det det som legget seg opp i kantane.

Kjør til nøttesmøret er flytande. Det tar meg 6-8 minutt, men varierer ut fra kor kraftig utstyr du har. Tilsett maldonsalt, kanel, vaniljepulver og søtning. Miks godt og smak til.

Hell mandelsmøret over i eit glass. Kan oppbevarast i vekesvis romtemperert 🙂

Mandelsmøret kan brukast på samme måte som alle andre nøttesmør. Eg synes det er aller best med ei spiseskei over cottage cheese/yoghurtblandinger med frukt og bær. Nam!

Det passer også som pålegg, her har eg heimelaga havre- og valnøtt knekkebrød med banan og mandelsmør på toppen:

Mandlesmøret smaker nydelig over havregraut, kjøleskapsgraut, på vafler eller pannekaker (gjerne med litt frukt/bær), over smoothieskåla eller kan brukast i konfekt/kaker/bakst.

Mandler er en god kilde til umetta fett, kostfiber, kalsium, kalium, magnesium, riboflavin, sink, kobber, fosfor – og inneholder også både protein, tiamin og jern – for å nevne noko. Sunt, godt og næringsrikt med andre ord!

Eg har prøvd mange varianter opp gjennom åra, men eg lander tilbake på ingrediensane ovenfor – det er så godt med både maldonsalt, kanel og vaniljepulver. Men du kan sjølvsagt prøve deg fram og lage din egen variant med andre smakstilsetninger 🙂

Prøv mandelsmør du også! Det er så enkelt å lage, smaker så digg og kan brukast til så mykje 🙂

Er du glad i nøttesmør? Kanskje du har en variant du vil dele? Eg er alltids åpen for å prøve nye typer og smaksvariasjoner!