Desse fantastisk gode SQUASHBURGERANE blei fjorårets favoritt hos både meg og mange av dåkke😍 Er du ein av dei som testa? Eller kanskje du fekk lyst no? Dei anbefalast vertfall skikkelig, superenkle å lage og nydelige på smak!

PS! Mange måter å variere desse på! Bruk gjerne ulike krydder, urter og oster. Har du en favoritt ingrediens eller vri, del gjerne med meg i kommentarfeltet :)

Til 12 stk:
• 2 store squash (700g)
• 2 egg
• 60 g havremjøl
• 100 g raspa ost (eg digger jarlsberg her!)
• Litt bladpersille, finhakka (kan sløyfast)
• 2 sjalottløk, finhakka (gløymte i filmen🙈)
• Eit godt dryss salt og pepper
• Eit dryss chiliflak (eller bruk andre krydder for litt ekstra smak)
• Smør til steiking

Framgangsmåte:
1. Rasp squashen på eit rivjern.
2. Ha squashen over i ein kjøkkenhanduk og knip ut væska. Det er meir enn du trur, så knip godt og lengre!
3. Vend så inn resten av ingrediensane.
4. Form til squashburgere mellom hendene og steik i smør på litt over middels varme på begge sider, til dei er godt gylne.

Server med ein god dipp eller dressing, med ein frisk salat og potetbåter, som grillmat med grilltilbehør, i pitabrød, wraps eller salat , på tapasbordet eller akkurat som du ønsker!

Velbekomme, håper det frister♥︎

⠀