Sett ovnen på 175 grader, over-undervarme. Bland saman kesam, melk, bakepulver og salt, deretter havremjøl og speltmjøl/kveitemjøl. La deiga kvile 10 minutt.

Kna inn urter, vårløk og ost (spar litt ost til toppen!). Deiga vil vere litt klissette, så bruk litt mjøl på benken og hell deiga over. Del deiga på to og bruk litt ekstra mjøl på hendene til å forme to flate scones. Snitt sconesene med en skarp kniv i 4, 6 eller 8 biter.

Ha over resten av osten på toppen. Eg hadde også over litt grovkverna chili. Steik midt i ovnen i ca. 20 minutt, eller sconesene er gylne (også på undersida) og osten godt smelta. Avkjøl på rist.

Tips og alternativer
♦ Urtene og vårløk kan utelukkast i oppskrifta, eller du kan bruke andre krydder/tørka urter for god smak.

♦ Kesam kan byttast med anna meieriprodukt som rømme eller creme fraiche.

♦ Sconesene er definitivt best samme dagen, men held seg saftige eit par dager. Kan fint frysast!

Eg skal definitivt lage desse igjen… Vertfall lignande. Eg har gjort meg opp mange tanker om fleire ingredienser som hadde passa utmerket som smakstilsetning. Kvitløk, chili, soltørka tomat, pesto, ost med enda meir smak (cheddar for eksempel)… Kanskje du vil prøve deg fram med ein vri? 🙂

Eg snitta sconesene i fire før steiking, men synes bitane vart litt for store – så eg delte kvar scone i åtte biter ved servering. Det gav totalt 16 biter, nok som tilbehør til minst 5-6 personer 🙂

Prøv du også – eg kan nesten garantere at dei faller i smak! NAM 🙂

Nyt mandagen, godtfolk!

Idag mottar eg nøkler på mitt nye kontor, så det er spennande tider i vente. Eg skal fortelle meir når alle brikkene er på plass 🙂